Dezınfektsııa, dezınsektsııa jáne deratızatsııa qyzmetterin lıtsenzııalaý tártibi ózgerdi

ASTANA. KAZINFORM - 2026 jylǵy 7 qyrkúıekten bastap Qazaqstanda densaýlyq saqtaý salasyndaǵy dezınfektsııa, dezınsektsııa jáne deratızatsııa (DDD) qyzmetteri bir lıtsenzııalanatyn qyzmet túri sheńberinde úsh kishi túrge bólindi.

Dezınfektsııa ı obrabotka domov posle pavodkov prodoljaetsıa v SKO
Foto: Kazinform

QR DSM Sanıtarlyq-epıdemıologııalyq baqylaý komıteti baspasóz qyzmetiniń habarlaýynsha, ózgerister Qazaqstan Respýblıkasynyń 2026 jylǵy 7 shildedegi «Qazaqstan Respýblıkasynyń keıbir zańnamalyq aktilerine áleýmettik zańnamany jetildirý máseleleri boıynsha ózgerister men tolyqtyrýlar engizý týraly» Zańymen kózdelgen.

«Ruqsattar jáne habarlamalar týraly» Zańǵa engizilgen túzetýlerge sáıkes DDD qyzmetteri endi úsh kishi túrdi qamtıdy:
• Dezınfektsııa — syrtqy ortadaǵy ınfektsııalyq jáne parazıttik aýrýlar qozdyrǵyshtaryn joıý. Oǵan úı-jaılar men betkeılerdi zalalsyzdandyrý jumystary jatady.
• Dezınsektsııa — jándikter men basqa da býynaıaqtylarǵa qarsy kúres, onyń ishinde taraqandardy, qandalalardy jáne búrgelerdi joıý.
• Deratızatsııa — kemirgishterdi joıý nemese olardyń sanyn azaıtý, atap aıtqanda, egeýquıryqtar men tyshqandarǵa qarsy kúres.

-Bul rette árbir kishi túrge jeke lıtsenzııa alý talap etilmeıdi. Kásipker kórsetetin qyzmetteriniń túrine qaraı bir, birneshe nemese barlyq úsh kishi túrdi bir lıtsenzııa sheńberinde tańdaı alady,-delingen habarlamada.

Aıta keteıik buryn berilgen lıtsenzııalardy jańa talaptarǵa baılanysty mindetti túrde qaıta resimdeýdiń jeke merzimi belgilenbegen. Lıtsenzııany qaıta resimdeýdiń negizderi men tártibi «Ruqsattar jáne habarlamalar týraly» Zańnyń 33-babymen retteledi.

Bıyl karantındik fıtosanıtarııalyq baqylaý barysynda 1 377 zań buzý anyqtaldy.