Dezınfektsııa quraldary adam aǵzasyna qaýipsiz – mamandar
ALMATY. QazAqparat – Mamandar Almaty aýlalaryn dezınfektsııalaýǵa arnalǵan quraldardyń adam aǵzasyna qaýipsizdigin aıtty, dep habarlaıdy QazAqparat tilshisi.
«Almaty qalasy boıynsha dezınfektsııalaý ortalyǵy» RMK bólimshesiniń aqparatyna sáıkes, zamanaýı dezınfektsııalyq quraldar 4-sanattaǵy quraldarǵa jatady. ıAǵnı, adam aǵzasyna qaýiptiligi tómen bolǵandyqtan, adam aǵzasyna, janýarlardyń aǵzasyna zııan keltirmeıdi.
Arnaıy eritindi mamandardyń ınstrýktsııasyna sáıkes ázirlenedi.
Aýlalardy zararsyzdandyrýǵa memlekettik reestrge kiretin Keden odaǵy nemese Qazaqstan terrıtorııasyna qoldanýǵa ruqsat etilgen quraldar qoldanylady.
Trotýarlardy, aıaldama keshenderin, qoqys jáshikterin, bankomattardy dezınfektsııalaý úshin QR Qorǵanys mınıstrliginiń áskerı dezotrıadtary belsendi hlor boıynsha 0,015% kontsentratsııadaǵy natrıı gıpohlorıdin paıdalanady.
Almaty qalalyq dezınfektsııa ortalyǵynyń dezınfektsııalyq brıgadalary naýqastyń úı oshaqtarynda jáne emdelip shyqqandardyń jatqan aýrýhanalaryndaǵy observatsııalyq bólimsheleri men medıtsınalyq ortalyqtaryna óńdeý júrgizedi.
Qalalyq Jasyl ekonomıka basqarmasynyń málimdeýinshe, qalada qazir kósheler, jaıaý júrginshilerge arnalǵan joldar, jalpy paıdalanylýǵa arnalǵan oryndardyń barlyǵyna dezınfektsııa jumystary júrgizilýde.
Bul jumystar úshin 91 sý shashatyn mashına, 36 jaıaý júrginshilerge arnalǵan joldardy sypyratyn mashına jáne 886 jumysshy tartylyp otyr. Qala kósheleri boıyndaǵy qoqys salatyn ýrnalar, oryndyqtar, qoǵamdyq kólik aıaldamalary, jerasty jáne jerústi joldaryn dezenfektsııalaý jumysyna 121 adam jumyldyryldy.
Sonymen qatar, konteınerler men konteınerlerdiń aýmaǵyn dezınfektsııalaý jumystary da júıeli jalǵasyp, onyń jumysyna 85 adam jumyldyryldy.
Keshe 307 konteıner alańy men 1466 konteınerge dezınfektsııa jumystary júrgizildi. Qala polıgonyna 1310 tonna qoqys jóneltildi.
Aıta ketý kerek, munyń aldynda oqyrmandar ortalyq saıabaqta zararsyzdandyrý jumystarynan soń kepterler qyrylyp jatqanyn aıtyp shaǵymdanǵan bolatyn.
QR Ekologııa, geologııa jáne tabıǵı resýrstar mınıstrliginiń Orman sharýashylyǵy jáne janýarlar álemi komıtetiniń baspasóz hatshysy Sáken Dildahmet komıssııanyń júrgizgen saraptamasyna sáıkes kepterler ólgen jerde munyń aldynda aýmaǵy 100 sharshy metr muz aıdyny bolǵanyn aıtty. Sol jerde barlyǵy 30 kepter ólgen.
«Qustar ýlanǵan bolýy múmkin. Komıssııa músheleri kepterlerdiń denesin zerthanalyq zertteý júrgizý úshin aldy. Qustardyń ólimine ne yqpal etkeni zertteýlerden soń belgili bolady», - dedi S.Dildahmet.
