Devon portynda otqa oranǵan alyp ıahta sýǵa batyp ketti

NUR-SULTAN. QazAqparat – Uzyndyǵy 85 fýt (26 metr) bolatyn alyp ıahta Devon portyndaǵy aılaqta turǵan kezde qatty órttiń saldarynan batyp ketti, dep habarlaıdy QazAqparat VVS jańalyqtaryna silteme jasap.

Devon jáne Kornýoll graftyǵy polıtsııasynyń málimetinshe, órtten eshkim zardap shekken joq.

Ulybrıtanııanyń qorshaǵan ortany qorǵaý agenttigi keme bortynda toǵyz tonnaǵa jýyq dızel otyny bolǵanyn málimdedi.

Polıtsııa turǵyndardan «qatty tútinge baılanysty» esikter men terezelerdi jabyq ustaýdy suraıdy.

Qazirgi ýaqytta órttiń sebebi anyqtalyp jatyr.

Qorshaǵan ortany qorǵaý agenttigi kemeniń batyp ketkenin jáne qazir qorshaǵan ortanyń lastanýyna erekshe nazar aýdarylǵanyn habarlady.