Devıs kýbogynyń toptyq kezeńi: Qazaqstan Madrıdte oınaıdy
ORAL. QazAqparat – Tennısten Devıs kýbogynyń formaty ózgerdi, toptyq kezeń bıyl 25 qarasha – 5 jeltoqsanda úsh elde ótedi, dep habarlaıdy QazAqparat tilshisi Qazaqstan tennıs federatsııasynan túsken málimetke silteme jasap.
Qazaqstan quramasy Madrıdte Kanada jáne Shvetsııa tennısshilerimen «V» tobyna tústi.
Sondaı-aq týrnır oıyndary Týrın (Italııa) jáne Insbrýk (Aýstrııa) qalalarynda ótedi.
Bastapqyda jarys ótken jyly Ispanııa astanasynda 25 qarasha – 5 jeltoqsan aralyǵynda hard tósenishinde ótedi dep josparlanyp, bıylǵa aýystyrylǵan bolatyn.
Madrıdte sondaı-aq «A» tobynda Ispanııa, Reseı jáne Ekvador matchtary bolady. Oǵan qosa týrnırdiń shırek, jartylaı jáne fınaldyq básekeleri ótedi.
Insbrýkta «C» jáne «F», Týrınde «D» jáne «E» toptary synǵa túsedi. Sonymen qatar qos qalada bir-bir shırek fınaldan ótedi.
Eske sala keteıik, budan buryn ıÝlııa Pýtıntsevanyń úzdik otyz tennısshiniń qataryna kirgenin jazǵan bolatynbyz.
