Devıs Kýbogynyń reıtıngisinde Qazaqstan quramasy eki satyǵa tómendep ketti
ASTANA. QazAqparat - Devıs Kýbogynyń reıtıngisinde Qazaqstannyń tennıs quramasy segizinshi orynnan onynshy orynǵa tómen syrǵydy. Bul týraly vesti.kz habarlady.
Devıs Kýbogynyń alǵashqy álemdik toptaǵy kezdesýinde Qazaqstan Belgııa quramasynan 3:2 esebimen basym túsip, 1/4 fınalǵa ótken bolatyn. Buǵan qaramastan, Qazaqstan quramasyn ózge elderdiń komandalary ozyp ketti. Olar - Italııa men 15-orynnan 9-orynǵa oıysqan Shveıtsarııa quramalary. Reıtıngtiń kósh basynda Kýboktyń ótken jylǵy jeńimpazy Chehııa tur. Ekinshi satyda - Serbııa, úshinshi ıspandyqtar keledi. Aıta ketý kerek, Ispanııa men Serbııa birinshi aınalymda jeńilis tapqan bolatyn.
