Devıs kýbogynyń fınaldyq kezeńine qatysatyn Qazaqstan erler quramasy anyqtaldy
NUR-SULTAN. QazAqparat – Devıs kýbogynyń fınaldyq kezeńine qatysatyn Qazaqstan erler quramasy anyqtaldy, dep habarlaıdy QazAqparat tilshisi.
Qazaqstan tennıs federatsııasynan málim etkenindeı, ulttyq qurama 13-18 qyrkúıek kúnderi komandalyq álem chempıonatynyń (Davis Cup Finals) toptyq básekesinde óner kórsetedi.
Qazaqstandyqtar óz matchtaryn Glazgo (Shotlandııa) qalasyndaǵy «Emıreıts arena» stadıonynda ótkizedi.
ıÝrıı Şýkın bastaǵan bapkerlik shtab myna oıynshylardy iriktep aldy: Aleksandr Býblık, Mıhaıl Kýkýshkın, Dmıtrıı Popko, Andreı Golýbev, Aleksandr Nedovesov jáne qosalqy quramda Tımofeı Skatov.
Qazaqstandyqtar «D» tobynda Ulybrıtanııa, AQSh jáne Nıderlandy quramalarymen synǵa túsedi. Birinshi, ekinshi orynǵa ıe bolǵan komandalar Ispanııanyń Malaga qalasynda qarasha aıynda ótetin Devıs kýbogynyń shırek fınalyna joldama alady.
«Bizge kúshti komandalar jınalǵan qıyn top tústi. Ulybrıtanııalyqtar óz alańynda oınaıdy. Amerıkalyqtar – Devıs kýbogynyń fınaldyq kezeńinde áldeneshe ret óner kórsetken tájirıbeli komanda. Nıderlandylyqtarmen biz 2019 jáne 2020 jyldary sheberlik baıqastyq. Biraq odan beri nıderlandylyqtar shyńdalyp, quramyn nyǵaıta tústi. Sondyqtan ár matchta barymyzdy salyp, shırek fınalǵa shyǵýǵa tyrysatyn bolamyz», dedi Qazaqstan quramasynyń kapıtany ıÝrıı Şýkın.
Eske sala keteıik, budan buryn Qazaqstan tennıs federatsııasynyń prezıdenti qazaqstandyq tennısshilerdiń tabysy kezdeısoqtyq emestigi týraly aıtqanyn jazǵan bolatynbyz.
Sondaı-aq Gózal Aınıtdınova Óskemen jarysynyń , ıÝlııa Pýtıntseva Toronto týrnıriniń shırek fınalyna shyqty.
Foto: ktf.kz
