Devıs kýbogyndaǵy 1/8 fınalyna qatysatyn Qazaqstan komandasynyń quramy jarııalandy
ASTANA. QazAqparat - 4-6 naýryz aralyǵynla Belgrad qalasynda Qazaqstannyń tennısten quramasy Devıs kýbogy Álemdik tobynyń 1/8 fınalynyń aıasynda Serbııadaǵy qarsylastarymen kezdesedi.
Qazirgi kezde qazaqstandyq tennısshiler Venadaǵy McCartney sporttyq akademııasynyń bazasynda jattyǵý jıyndaryn ótkizip jatyr. Qazaqstan tennıs federatsııasynyń atqarýshy dırektory, Devıs kýbogy komandasynyń kapıtany Dıas Dosqaraevtyń aıtýynsha, serbtermen oıyn bizdiń komandamyz úshin óte mańyzdy jáne jaýapty jarys. Bul jarysta Serbııa komandasy úshin álemniń birinshi raketkasy Novak Djokovıch shyǵatyny belgili, dep jazady sports.kz.
Qazaqstannyń Serbııaǵa qarsy oınaıtyn komandasynyń resmı quramy: Mıhaıl Kýkýshkın, Andreı Golýbev, Aleksandr Nedovesov, Dmıtrıı Popko.
