Devıs kýbogyn Kazsport arnasy tikeleı efırde kórsetedi
ASTANA. QazAqparat - 7-9 sáýir aralyǵynda Astana qalasynyń Ulttyq Tennıs ortalyǵynda Devıs kýbogy (Azııa-Okeanııa aımaǵynyń 1 toby) oıyny ótedi. Bul týraly «Qazaqstan» respýblıkalyq teleradıokorporatsııasynyń baspasóz qyzmeti habarlady.
Oıyn barysynda Qazaqstannyń erler quramasy Devıs kýbogy álemdik tobynyń pleı-off kezeńine shyǵý úshin Qytaı quramasymen synǵa túsedi.
Tennısten Qazaqstannyń erler quramasy - Álemdik top jarysyna udaıy qatysyp keledi. Keı jyldary bizdiń komanda Shveıtsarııa, Italııa jáne Chehııanyń quramalaryn jeńgen bolatyn. 2016 jyldyń qyrkúıeginde Qazaqstan quramasy Reseı quramasynan jeńilip, álemdik toptan shyǵyp ketti. Bıyl tennısshilerimiz kóshbasshylar tobynyń komandasyna qaıta oralýǵa nıetti.
Nazarlaryńyzǵa «Kazsport» telearnasynda kórsetiletin Qazaqstan-Qytaı matchynyń kestesin usynamyz:
07.04.2017
11:45 І top. QAZAQSTAN - QYTAI. Birinshi oıyn. Live
14:45 І top. QAZAQSTAN - QYTAI. Ekinshi oıyn. Live
08.04.2017
12:50 І top. QAZAQSTAN - QYTAI.Juptyq oıyn. 3 match. Live
09.04.2017
13:45 І top . QAZAQSTAN - QYTAI. Tórtinshi oıyn. Live
22:40 І top . QAZAQSTAN - QYTAI. Besinshi oıyn.
Aıta ketsek, Devıs kýbogynyń Azııa/Okeanııa aımaǵy birinshi tobynyń oıynynda Qytaı komandasyna qarsy oınaıtyn Qazaqstan ulttyq quramasynyń tennısshileri anyqtalǵan bolatyn.
Qazaqstan quramasynyń kapıtany Dıas Dosqaraev oıynǵa Mıhaıl Kýkýshkın, Andreı Golýbev, Aleksandr Nedovesov jáne Dmıtrıı Popkony shaqyrǵan. Al, Qytaı quramasynyń kapıtany Veı Djıang óz tobyn Dı Ý, Tsze Chjanga, Mao-Ksın Gonga jáne ıAn Baı syndy tennısshilerden jasaqtap otyr.
