Devıs Kýbogy jolynda Ispanııamen kezdesetin qazaqstandyq tennısshiler quramasy anyqtaldy

Bul týraly búgin jýrnalıstermen ótken baspasóz máslıhatynda Qazaqstan Tennıs federatsııasynyń atqarýshy dırektory Oleg Ogaı málimdedi.

«Qazirgi ýaqytta Devıs Kýbogyna bizdiń taraptan 4 tennısshige ótinish berildi. Olar -  Mıhaıl Kýkýshkın, Andreı Golýbev, Evgenıı Korolev jáne ıÝrıı Şýkın. Sportshylarymyz jarysqa tyńǵylyqty ázirlendi dep oılaımyn. Ótken jyldyń aıaǵyna taman biz Dýbaıda bolyp, jattyǵý jıynyn ótkizgenbiz, oǵan ulttyq quramanyń barlyq músheleri qatysqan bolatyn», - dedi baspasóz máslıhaty barysynda  O. Ogaı.

Onyń aıtýynsha,  aǵymdaǵy jylǵy 10-12 aqpan kúnderi Ispanııanyń Oveda qalasynda ótetin Devıs Kýbogy jolyndaǵy Qazaqstan men Ispanııa quramalary kezdesýine bizdiń sportshylarymyz erterek baratyn bolady. Ondaǵy maqsat tennısshilerdi ishki jáne klımattyq jaǵdaılarǵa beıimdeýmen baılanysty. «ıAǵnı bizdiń sportshylar aldaǵy matchqa joǵary ázirlikte bolýy kerek. Biz Ispanııaǵa jeńis úshin baratyn bolamyz», - dedi Iennıs federatsııasynyń atqarýshy dırektory.

Esterińizge sala keteıik, buǵan deıin habarlaǵanymyzdaı, Qazaqstan tennısiniń erler quramasy 10-12 aqpan aralyǵynda Devıs Kýbogynyń birinshi aınalymynda syrtta Ispanııaǵa qarsy oıyn kórsetedi. Eskerte ketetin jaıt, Ispanııa sporttyń osy túri boıynsha álemdik reıtıngti bastap keledi.