Devıs kýbogy: Ulybrıtanııa – Qazaqstan matchynda Býblık esepti teńestirdi
NUR-SULTAN. QazAqparat – Madrıdte Devıs kýbogy fınalynda Qazaqstan – Ulybrıtanııa matchynda Aleksandr Býblık tarazy basyn teńestirdi, dep habarlaıdy QazAqparat tilshisi.
Bul joly álemniń 42-raketkasy, ulybrıtanııalyq Denıel Evans pen Qazaqstan sapynan reıtıngte 57-oryndaǵy Aleksandr Býblık kortqa shyqty.
Bastapqy básekede Mıhaıl Kýkýshkın jeńilip qalǵandyqtan, bul kezdesý qazaqstandyqtar úshin mańyzdy edi. ıAǵnı Býblık te ese jiberse, Ulybrıtanııa bul matchta jeńimpaz atanar edi.
Birinshi partııada esep 3:3 bolǵan mezette Aleksandr Býlık breık jasaı aldy. Alaıda ulybrıtanııalyq tennıshi ile-shala qarymta qaıyrdy – 4:4. Esep 5:5 bolǵanda, Býblık qos birdeı breık-poıntty paıdalana almady. Keıin ózi dop bergende, qatelikke boı aldyryp, qarsylasynyń breık jasaýyna múmkindik berip qoıdy – 5:7.
Tartysty órbigen ekinshi set barysynda qazaqstandyq sportshy birneshe breık-poıtyn múlt jibergenimen, esep 4:4 bolǵanda, alǵa shyǵa bildi. Sosyn óz geımin de jibergen joq – 6:4.
Úshinshi, sheshýshi partııada A.Býblık úsh birdeı breık jasap, qarsylasyn kúl-talqan etti deýge bolady – 6:1.
Tartysty báseke 2 saǵat 14 mınýtqa sozyldy.
Osylaısha Qazaqstan – Ulybrıtanııa matchynda esep teńesti – 1:1.
Endi match taǵdyry juptyq synda sheshiledi.
Eske sala keteıik, budan buryn Ulybrıtanııanyń Qazaqstanmen matchta alǵa shyqqanyn jazǵan bolatynbyz.
