Devıs kýbogy: Shveıtsarııaǵa qarsy oınaıtyn tennısshilerimiz anyqtaldy
ASTANA. QazAqparat - Tennısten Qazaqstan quramasynyń Devıs kýbogy aıasynda Shveıtsarııaǵa qarsy oınaıtyn tennısshilerimiz anyqtaldy, dep habarlaıdy QazAqparat.
Atalǵan dodada Mıhaıl Kýkýshkın (ATP reıtınginde 69-oryn), Aleksandr Nedovesov (234) Dmıtrıı Popko (248), Tımýr Habıbýlın (783) jáne debıýtant Roman Hasanovty (711) baq synaıdy.
Osyǵan deıin habarlaǵanymyzdaı, Devıs kýbogy 2-4 aqpan kúnderi aralyǵynda Astanadaǵy Ulttyq tennıs ortalyǵynda ótedi. Jarys 2 aqpan kúni saǵat Astana ýaqytymen 12:00-de, 3 jáne 4 aqpan kúnderi 14:00-de bastalady.
Esterińizge sala ketsek, Qazaqstan Devıs kýbogyna 1995 jyldan beri qatysyp keledi. Ulttyq quramamyz 2010 jyly birinshi ret Álemdik topqa ilikken bolatyn. Al 2011, 2013, 2014 jáne 2015 jyldary jarystyń shırek fınalyna shyqty.
