Devıs Kýbogy: Rodjer Federer Qazaqstanǵa qarsy oınaıdy
ASTANA. QazAqparat - Álemniń birinshi raketkasy shveıtsarııalyq Rodjer Federer Devıs Kýbogynyń álemdik tobynyń shırek fınalynda erler quramasy qatarynda Qazaqstan quramasyna qarsy oınaıtynyn málimdedi, dep habarlady Vesti.kz.
"Men komanda quramynda bolamyn, dostarym kapıtan Sev (Severın Lıýtı) jáne Stenmen (Stanıslas Vavrınka) birge sáýir aıynda Qazaqstanǵa qarsy oınaımyz», - dep jazdy Federer óz tvıtterinde.
Shveıtsarııa quramasy Serbııany 3-2 esebimen jeńip, shırek fınalǵa joldama alǵan bolatyn. Federer bul synǵa qatysty.
Esterińizge sala keteıik, Qazaqstan Belgııa quramasynan 3:2 esebimen basym túsip, shırek fınalǵa shyqty. Sóıtip qazaqstandyq tennısshiler 4 jylda úshinshi ret jarystyń osyndaı deńgeıine shyqty.
Qazaqstan quramasymen aradaǵy shırek fınaldyq oıyn Shveıtsarııada sáýirdiń 4 men 6 aralyǵynda ótedi.
