Devıs Kýbogy: Novak Djokovıch Qazaqstan quramasyna qarsy oınaıtyn Serbııa komandasynyń sapyna endi
Devıs Kýbogynda baq synaıtyn tennısten Qazaqstan men Serbııa quramasynyń tizimi jarııalandy, dep habarlaıdy Qazaqstannyń tennıs federatsııasy.
Qazaqstan Ulttyq quramasynyń kapıtany Dıas Dosqaraev serbııalyqtarǵa qarsy matchqa Mıhaıl Kýkýshkın, Aleksandr Nedovesov, Andreı Golýbev pen Dmıtrıı Popkony shaqyrǵan.
Al, Serbııa sapynda álemniń 1-shi raketkasy Novak Djokovıch, Vıktor Troıtskı, Fılıp Kraıınovıch jáne Nenad Zımonıch oınaıtyn boldy.
Eske sala keteıik, 4-6 naýryz aralyǵynda Belgradta (Serbııa) Qazaqstan Ulttyq quramasy Serbııamen Devıs Kýbogynyń Álemdik tobyndaǵy 1/8 fınalynda kezdesedi, dep jazady kazsport.kaztrk.kz.
Aıta keteıik, Qazaqstan 6 jyl qatarynan tennıstiń álemdik elıtasynda baq synaýda. Sonyń 4-eýinde týrnırdiń shırek fınalyna jetken.
