Devıs kýbogy: Mıhaıl Kýkýshkın Qazaqstan qorjynyna alǵashqy upaıdy saldy
ASTANA. QazAqparat - Astanadaǵy «Dáýlet» sport kesheninde ótip jatqan «Devıs kýbogy» dodasynda Mıhaıl Kýkýshkın Qazaqstan quramasyn alǵa shyǵardy, dep habarlaıdy QazAqparat tilshisi.
Jekeleı syndaǵy birinshi kezdesýde Mıhaıl Kýkýshkın men Gvıdo Pelıa ózara myqtyny anyqtady. Birinshi jáne ekinshi partııa asa tartysty ótip, oıyn taı-breıkke deıin sozyldy.
Alǵashqy sette argentınalyq tennısshi 7:6 esebimen jeńiske jetse, úshinshi jáne tórtinshi partııalarda Kýkýshkın qarymta qaıtaryp, Qazaqstan qorjynyna alǵashqy upaıdy syılady.
Qorytyndy esep - 6:7, 7:6, 6:2, 6:4.
Jekeleı syndaǵy ekinshi oıyn Dmıtrıı Popko men Dıego Shvartsman arasynda jalǵasty.
