Devıs kýbogy: Qytaıǵa qarsy oınaıtyn Qazaqstan quramasy anyqtaldy
ASTANA. QazAqparat - Devıs Kýbogynyń Azııa/Okeanııa aımaǵy birinshi tobynyń oıynynda Qytaı komandasyna qarsy oınaıtyn Qazaqstan ulttyq quramasynyń tennısshileri anyqtaldy, dep habarlaıdy QazAqparat.
QR Tennıs federatsııasynyń habarlaýynsha, Qazaqstan quramasynyń kapıtany Dıas Dosqaraev oıynǵa Mıhaıl Kýkýshkın, Andreı Golýbev, Aleksandr Nedovesov jáne Dmıtrıı Popkony shaqyrǵan.
Al Qytaı quramasynyń kapıtany Veı Djıang óz tobyn Dı Ý, Tsze Chjanga, Mao-Ksın Gonga jáne ıAn Baı syndy tennısshilerden jasaqtap otyr.
Esterińizge sala ketsek, Devıs kýbogy (Azııa-Okeanııa aımaǵynyń 1 toby) oıyny elordadaǵy Ulttyq tennıs ortalyǵynda 7-9 sáýir kúnderi ótedi. Oıyn barysynda Qazaqstannyń erler quramasy Devıs kýbogy álemdik tobynyń pleı-off kezeńine shyǵý úshin Qytaı quramasymen kúsh synasady.
