Devıs kýbogy: Qazaqstannyń kimdermen oınaıtyny belgili boldy
ASTANA. QazAqparat - Madrıd qalasynda Devıs kýbogynyń fınaldyq kezeńine qatysatyn komandalardyń kimdermen oınaıtyny belgili boldy, dep habarlaıdy QazAqparat tilshisi.
Bıylǵy 18-24 qarashada Madrıdte ótetin fınaldyq kezeńge barlyǵy 18 komanda qatysady.
Jerebege sáıkes quramalar mynadaı toptarǵa bólindi.
A toby: Frantsııa, Serbııa, Japonııa,
V toby: Horvatııa, Ispanııa, Reseı,
S toby: Argentına, Germanııa, Chılı,
D toby: Belgııa, Aýstralııa, Kolýmbııa,
E toby: Ulybrıtanııa, Qazaqstan, Nıderlandy,
F toby: AQSh, Italııa, Kanada.
Pleı-off kezeńine óz tobynda jeńimpaz atanǵandar men ekinshi oryn alǵandardyń ishinde eki úzdigi, barlyǵy segiz komanda joldama alady. Mysaly, A tobynyń jeńimpazy ekinshi oryn alǵandardyń birimen kezdesedi. F men D toby jáne E men S toby úzdikteri ózara synǵa túsedi. Al V tobynda ozyp shyqqan qurama ekinshi oryn alǵandardyń birimen sheberlik baıqasady.
Eske sala keteıik, budan buryn Mıhaıl Kýkýshkınniń Astanada ótken Qazaqstan - Portýgalııa matchynyń sheshýshi básekesinde el quramasyn Devıs kýbogynyń fınaldyq kezeńine alyp shyqqanyn jazǵan bolatynbyz.
Qazirgi kezde álemdik reıtıngte 53-orynda turǵan M.Kýkýshkın keshe Rotterdam týrnıriniń shırek fınalyna shyǵa almady.
Sonymen qatar Astanada ótken jarystyń fınalynda qytaılyqtardy utqan Qazaqstannyń áıelder quramasy Federatsııa kýbogy úshin ekinshi Álemdik toptyń pleı-off kezeńine joldama aldy.
Búgin Qazaqstannyń ekinshi, álemniń 96-raketkasy Zarına Dııas Dýbaı týrnıriniń irikteý satysynda alǵashqy matchyn dúnıejúzilik reıtıngte 271-satyda turǵan germanııalyq Sabına Lısıtskımen ótkizedi.
