Devıs kýbogy: Qazaqstandyqtardyń qarsylastary belgili boldy
ASTANA. QazAqparat - Búgin Horvatııanyń Varajdın qalasynda tennısten Qazaqstan jáne Horvatııa quramalary arasyndaǵy Devıs kýbogynyń jerebesi tartyldy, dep habarlaıdy QazAqparat.
QR Tennıs federatsııasynyń resmı saıty taratqan málimetterge súıensek, birinshi bolyp kortka Dmıtrıı Popko men Marın Chılıch shyǵady. Sondaı-aq, juma kúni Mıhaıl Kýkýshkın men Borna Chorıch kezdesedi. Juptyq saıysta otandastarymyz Aleksandr Nedovesov pen Tımýr Habıbýllın kort qojaıyndary Ivan Dodıg pen Nıkolaı Mektıchpen kúsh synasady.
Al sońǵy oıyn kúni Kýkýshkın - Chılıch jáne Popko - Chorıch arasyndaǵy kezdesýleri ótedi.
Aıta ketsek, Jekeleı jáne juptyq syndaǵy oıyndar 6 jáne 8-sáýir aralynda «Varajdın Arene» sport kesheninde ótedi. Komandalar qumdy kortta oınaıtyn bolady.
