Devıs kýbogy: Qazaqstan-Shveıtsarııa quramalary Astanada kezdesedi
ASTANA. QazAqparat - 2-4 aqpan kúnderi aralyǵynda Astanada Devıs kýbogy Álem tobynyń birinshi kezeńinde Qazaqstan - Shveıtsarııa quramalarynyń kezdesýi ótedi, dep habarlaıdy QazAqparat.
QR Tennıs federatsııasy taratqan málimetke súıensek, qos komandanyń quramy 22 qańtar kúni belgili bolmaq.
Esterińizge sala ketsek, Qazaqstan Devıs kýbogyna 1995 jyldan beri qatysyp keledi. Ulttyq quramamyz 2010 jyly birinshi ret Álemdik topqa ilikken bolatyn. Al 2011, 2013, 2014 jáne 2015 jyldary jarystyń shırek fınalyna shyqty.
Qazaqstan - Shveıtsarııa kezdesýi Ulttyq tennıs ortalyǵynda 2 aqpan kúni saǵat 12:00-de bastalady. 3 aqpan kúni - 14:00-de, 4 aqpanda 14:00-de ótedi.
