Devıs kýbogy: Qazaqstan – Nıderlandy matchyn Kýkýshkın jeńispen bastady
NUR-SULTAN. QazAqparat – Ispanııa astanasy Madrıdte ótip jatqan Devıs kýbogy fınalynda Qazaqstan – Nıderlandy matchy ótip jatyr, dep habarlaıdy QazAqparat tilshisi.
Alǵashqy kezdesýde qazaqstandyq Mıhaıl Kýkýshkın men Nıderlandy ókili Botık Van de Zandshýlp kortqa shyqty.
M.Kýkýshkın álemdik reıtıngte 67-orynda tursa, qarsylasy 200-satyda edi.
Qazaqstandyq tennısshi 6:2, 6:2 esebimen utty.
Báseke 1 saǵat 5 mınýtqa sozyldy.
Qazirgi sátte Qazaqstannyń birinshi, álemniń 57-raketkasy Aleksandr Býblık dúnıejúzilik reıtıngte 163-oryndaǵy Robın Hasemen oınap jatyr. Eger ol qarsylasyn tize búktirse, onda Qazaqstan quramasy juptyq báseke nátıjesine qaramastan, bul matchta jeńimpaz atanady.
Budan keıin 21 qarasha kúni qazaqstandyqtar óz tobynda Ulybrıtanııamen sheberlik baıqasady.
Ár topta úzdik atanǵandar pleı-off básekesine joldama alady.
Eske sala keteıik, budan buryn Qazaqstan quramasynyń Devıs kýbogy fınalyna qatysatynyn jazǵan bolatynbyz.
