Devıs kýbogy: Qazaqstan Nıderlandy quramasymen qaıta kezdesetin boldy
NUR-SULTAN. QazAqparat – Tennısten Qazaqstan quramasynyń 2020 jylǵy Devıs kýbogynyń irikteý kezeńindegi qarsylasy anyqtaldy, dep habarlaıdy QazAqparat tilshisi.
Ulttyq olımpıada komıteti habarlaǵanyndaı, týrnırdiń irikteý saıystary 6-7 naýryz kúnderi ótedi.
Jerebe boıynsha Qazaqstanǵa Nıderlandy quramasy qarsylas atandy.
Sonymen, irikteý syndarynda Horvatııa – Pákistan nemese Úndistan, Vengrııa – Belgııa, Kolýmbııa – Argentına, AQSh – Ózbekstan, Aýstralııa – Brazılııa, Italııa – Ońtústik Koreıa, Germanııa – Belarýs, Qazaqstan – Nıderlandy, Slovakııa – Chehııa, Aýstrııa – Ýrýgvaı, Japonııa – Ekvador, Shvetsııa – Chılı quramalary ózara básekege túsedi.
Saıystar birinshi kórsetilgen quramanyń alańynda ótedi. ıAǵnı Qazaqstan Nıderlandy tennısshilerin qabyldaıdy. Horvatııa – Pákistan nemese Úndistan matchynda ǵana kort ıesi jerebe boıynsha keıin anyqtalady.
Úsh settik formatta ótetin irikteý matchtary tórt jekeleı jáne bir juptyq kezdesýden turmaq.
Jeńiske jetken 12 komanda Madrıdte ótetin týrnırdiń fınaldyq kezeńine joldama alady. Olarǵa 2019 jylǵy Devıs kýboginiń jartylaı fınalısteri Reseı, Ulybrıtanııa, Kanada jáne Ispanııa qosylady. Sondaı-aq wild card ıegerleri esebinde Frantsııa men Serbııa da aldaǵy jyldyń fınalyna birden qatysady.
Eske sala keteıik, Devıs kýbogynyń bıylǵy fınaldyq jarysynda Qazaqstan Nıderlandy sportshylarymen kezdesip, 2:1 esebimen utqan bolatyn. Degenmen keıin dál osyndaı eseppen Ulybrıtanııaǵa jol berip, shırek fınalǵa shyǵa almaı qaldy.
Bıyl Devıs kýbogynyń fınalynda Kanadany tize búktirgen Ispanııa quramasy óz tarıhynda altynshy ret jeńimpaz atandy.
Foto:olympic.kz
