Devıs Kýbogy: Qazaqstan men Horvatııa quramalarynyń músheleri belgili boldy
ASTANA. QazAqparat - Devıs Kýbogynyń (Davis Cup) ¼ fınaly aıasynda kezdesetin Qazaqstan men Horvatııanyń ulttyq qurama músheleri belgili boldy, dep habarlaıdy «SPORTINFORM» SAA Qazaqstan tennıs federatsııasynyń baspasóz qyzmetine silteme jasap.
Qazaqstan ulttyq quramasynyń kapıtany jáne jattyqtyrýshysy Dıas Dosqaraev Horvatııa quramasyna qarsy elimizdiń úzdik tennısshilerin Mıhaıl Kýkýshkın (reıtıng ATR - 83), Aleksandr Nedovesov, Dmıtrıı Popko, Tımýr Habıbýlın, Denıs Evseev jáne Roman Hasanovty shyǵardy.
Bizge qarsy oınaıtyn qurama sapynda Marın Chılıch (reıtıng ATR - 3), Borna Chorıch, Vıktor Galovıch, Ivan Dodıg jáne Nıkola Mektıch bar.
Esterińizge sala keteıik, 2018 jyldyń 6-8 sáýirinde Horvatııanyń Varajdın qalasynda Devıs Kýbogynyń jartylaı fınalyna shyǵý úshin Qazaqstan men Horvatııa quramalarynyń arasynda match ótedi.
Qazaqstannyń erler quramasy bıyl jetinshi márte álemdik tennıstiń aıtýly Kýbogynda óner kórsetip júr. Ulttyq qurama bul týrnırdiń shırek fınalyna 5 márte shyqqanyn aıta keteıik.
Qazaqstan-Horvatııa kezdesýleriniń kestesi:
6 sáýir - bastalýy 13:45;
7 sáýir - bastalýy 14:45;
8 sáýir - bastalýy 14:00.
