Devıs kýbogy: Qazaqstan - Italııa teń tústi
ASTANA. QazAqparat - Astanadaǵy «Dáýlet» sport kesheninde Qazaqstan men Italııa tennısshileri arasynda Devıs kýbogynyń bir de segiz fınaly bastaldy, dep habarlady www.24.kz.
Aldymen kortqa Mıhaıl Kýkýshkın men Sımone Bolellı shyqty. Qazaqstannyń birinshi raketkasy men Italııanyń úshinshi nómirli oıynshysy arasyndaǵy kezdesýdiń alǵashqy partııasy tartysty ótti. 1 saǵatqa sozylǵan sette Kýkýshkın basymdyq tanytyp, 8:6 esebimen jeńiske jetti. Qalǵan eki partııa da qazaqstandyq tennısshiniń paıdasyna sheshildi. Esep 6:1,6:2. Alaıda Mıhaıl Kýkýshkınniń jeńisin Andreı Golýbev jalǵastyra almady. Andreas Seppımen tartysqa túsken Golýbev úshinshi partııada ǵana qarsylyq kórsetip, taı-breıkte basymdyq tanytqan. Biraq, Seppı tórtinshi partııada 6:2 esebimen kezdesýge núkte qoıdy. Birinshi kúnniń qorytyndysy boıynsha esep:1:1. Búgin juptyq syndaǵy oıyndar ótedi.
