Devıs kýbogy: Qazaqstan ekinshi jeńisine qol jetkizdi
ASTANA. QazAqparat - Qazaqstan men Belgııa arasyndaǵy «Devıs Kýbogy-2014» matchynyń ekinshi kezdesýinde Álemniń 88-shi raketkasy 26 jasar Andreı Golýbev Álemdik reıtıngtiń 113-shi nómiri 23 jasar Davıd Goffenge qarsylas atandy.
Bul týraly sports.kz habarlady.
Birinshi sette qarsylastar teń oıyn órnegin kórsetip, taı-breıkte 11:9 esebimen qazaqstandyq tennısshiniń mereıi ústem boldy. Ekinshi partııada Golýbev qarsylasyna 3:6 esebimen jol berip, jalpy esep teńesti.
Úshinshi sette de Goffen jeńis toıyn toılatty. Tórtinshi partııada sheginerge jol joq kezde qazaqstandyq tennısshi 6:2 esebimen aıqyn basymdyq tanytty. Sheshýshi sátte qarsylastar kópke deıin birin biri ala almady. 22 geımge sozylǵan settiń nátıjesinde Golýbev jeńisti julyp áketti. Jalpy esep - 3:2 (7:6 (9), 3:6, 4:6, 6:2, 12:10).
Osylaısha Qazaqstan -Belgııa matchynda bizdiń komanda 2:0 esebimen alǵa shyqty.
Erteń juptyq synǵa Evgenıı Korolev/Denıs Evseev - Olıve Rohýs/Kımmer Koppeıans shyǵady.
