Devıs kýbogy irikteý kezeńine qatysatyn Qazaqstan jasóspirimder quramasy anyqtaldy
NUR-SULTAN. QazAqparat - Devıs kýbogy irikteý kezeńine qatysatyn Qazaqstan jasóspirimder quramasy anyqtaldy, dep habarlaıdy QazAqparat tilshisi.
Qazaqstan tennıs federatsııasy málim etkenindeı, elordada Junior Davis Cup 16&under jáne Junior Billie Jean King Cup týrnırlerine irikteý jarysy márege jetti.
Jarys qorytyndysynda 21-27 aqpan kúnderi Shrı-Lankada ótetin irikteý saıysynda el namysyn qorǵaıtyn oıynshylar belgili boldy.
Uldar:
Danır Qaldybekov (Taraz), Ámir Omarhanov (Qaraǵandy), Vıtalıı Zatsepın (Qaraǵandy).
Qyzdar:
Aııa Nupbaı, Asyljan Arystanbekova, Karına Jumajanova (bári de Almaty).
Team Kazakhstan akademııasynyń dırektory Tımýr Aqqazıevtiń aıtýynsha, irikteý týrnırlerine el óńirlerinen eń myqty jas oıynshylar shaqyryldy.
«Qazaqstan jasóspirimder quramasy áýeli irikteý saıysynda, sodan keıin Devıs kýbogy fınaldyq kezeńiniń toptyq básekesinde tabysty óner kórsetedi dep úmittenemiz», dedi T.Aqqazıev.
Eske sala keteıik, budan buryn Jibek Qulambaevanyń Qazaqstannyń absolıýtti chempıony atanǵanyn jazǵan bolatynbyz.
