Devıs kýbogy: Golýbev pen Nedovesov Qazaqstandy alǵa shyǵardy
NUR-SULTAN. QazAqparat – Elordada tennısten Devıs kýbogy irikteý kezeńinde Qazaqstan – Nıderlandy matchy jalǵasýda, dep habarlaıdy QazAqparat tilshisi.
Búgin kortqa alǵashqy bolyp juptyq synda óner kórsetetin tennısshiler shyqty.
Andreı Golýbev pen Aleksandr Nedovesov ózderine artylǵan úmitti aqtaı bildi.
Olar nıderlandylyq Jan-Jıýlen men Robın Haseni 6:3, 6:3 esebimen tize búktirdi.
Báseke 1 saǵat 9 mınýtqa sozyldy.
Osylaısha Qazaqstan quramasy 2:1 esebimen alǵa shyqty. Endi qazaqstandyqtarǵa Devıs kýbogynyń fınaldyq týrnırine joldama alý úshin bir jeńis jetip jatyr.
Qazirgi sátte Aleksandr Býblık pen Robın Hase oınaýda.
Eske sala keteıik, budan buryn Qazaqstan alǵashqy oıynda ese jibergenin, Aleksandr Býblık esepti teńestirgenin jazǵan bolatynbyz.
