Devıs kýbogy aıasynda kezdesetin Qazaqstan men Argentına komandalarynyń tennısshiler quramy anyqtaldy
ASTANA. 28 maýsym. QazAqparat - Shildeniń 7-9-y kúnderi Býenos-Aıres qalasynda ótetin Devıs kýbogynyń shırek fınaldyq matchynda oınaıtyn Qazaqstan men Argentına qurama komandalarynyń quramy anyqtaldy.
Bul aqparatty QR Tennıs federatsııasysynyń baspasóz qyzmetinen habarlady.
Sonymen, Qazaqstan quramasy sapynda Andreı Golýbev, Mıhaıl Kýkýshkın, ıÝrıı Şýkın jáne Evgenıı Korolev óner kórsetedi. Al Argentına atynan Hýan Ignasıo Chela, Hýan Martın Del Potro, Davıd Nalbandıan jáne Hýan Monako jarys alańyna shyǵady.
Qazirgi ýaqytta elimizdiń quramasy Argentınaǵa ushyp ketti. Onda olar daıyndyq jattyǵýlaryn ótkizedi. Matchtar 14 myń kórermen sııatyn Parque Roca stadıonynda ótedi.
Devıs kýbogy úshin Argentına-Qazaqstan ¼ fınaldyq matchy Býenos-Aıreste: 7 shildede - jekeleı eki oıyn; 8 shildede - juppen bir oıyn; 9 shildede - jekeleı eki oıyn ótedi.
Aıta keteıik, atalǵan Kýbok reıtıngisinde Qazaqstan 12 orynda bolsa, Argentına álemdegi úzdik komandalardyń bestigin qorytyndylap tur. Degenmen, elimizdiń quramasy buǵan deıin atalǵan reıtıngte 4 orynda turǵan Chehııa komandasyn 3:2 esebimen utqan bolatyn.
