Devıs kýbogynyń irikteý týrnıri: Qazaqstan jasóspirimder quramasy shırek fınalǵa joldama aldy
ASTANA. KAZINFORM — Shymkent qalasynda 16 jasqa deıingiler arasynda ótip jatqan Devıs kýbogynyń Azııa – Tynyq muhıt aımaǵy boıynsha irikteý týrnırinde Qazaqstan jasóspirimder quramasy merziminen buryn shırek fınalǵa shyqty.
Qazaqstandyqtar D tobyndaǵy ekinshi matchynda Pákistan quramasyn 3:0 esebimen jeńdi.
Áýeli jekeleı synda Ańsar Nıetqalıev Abýbakar Talheden aılasyn asyrdy – 7:5, 6:1.
Іzinshe Ahmadı Maqanov Mýhammad Hassan Ýsmanıdy qapy qaldyrdy – 6:2, 6:0.
Juptyq kezdesýde A.Maqanov – Rodıon Traıgel pákstandyqtar Zohaıb Afzal Malık – A.Talhıdy utty – 7:6 (7:4), 6:3.
Osy topta jarys favorıtteriniń biri Ońtústik Koreıa Túrikmenstan quramasyn 3:0 esebimen tize búktirdi.
Sársenbi kúni qazaqstandyq jasóspirimder Ońtústik Koreıa tennısshilerimen sheberlik baıqasady. Eger jeńgen jaǵdaıda óz tobynan birinshi orynmen shyǵyp, shırek fınalda A nemese V tobynda ekinshi satyǵa ornyqqan komandamen (Gonkong nemese Ózbekstan) kezdesedi. Al ekinshi oryn alǵan jaǵdaıda ¼ fınalda favorıtter – Japonııa nemese Aýstralııanyń birine tap bolady.
Eske sala keteıik, budan buryn Devıs kýbogynyń irikteý týrnırinde Qazaqstan jasóspirimder quramasynyń alǵashqy jeńisine qol jetkizgenin jazǵan edik.
