Devıs kýbogynyń irikteý týrnıri: Qazaqstan jasóspirimder quramasy shırek fınalda Japonııamen oınaıdy

ASTANA. KAZINFORM — Shymkent qalasynda Belline Arena ulttyq tennıs ortalyǵynda 16 jasqa deıingiler arasynda Devıs kýbogynyń Azııa – Tynyq muhıt aımaǵy boıynsha irikteý týrnırinde shırek fınalǵa shyqqan quramalar anyqtaldy.

Qazaqstan jasóspirimder quramasy jartylaı fınalǵa shyǵý úshin Japonııa komandasymen talasady.

Keshe Sergeı Kvaktyń shákirtteri Irandy 2:1 esebimen tize búktirgen edi. Búgin dál sondaı eseppen Qytaıǵa ese jiberdi.

Osylaısha, qazaqstandyq jasóspirimder óz tobynan shırek fınalǵa ekinshi orynmen shyqty.
Jerebe qorytyndysy boıynsha erteń sondaı-aq Aýstralııa – Qytaı, Qytaılyq Taıbeı – Ózbekstan, Koreıa – Gonkong quramalary ózara kezdesedi.

Úzdik tórt komanda jasóspirimder arasynda Devıs kýbogynyń fınaldyq kezeńine joldama alady. 

Eske sala keteıik, budan buryn Devıs kýbogynda Qazaqstan jasóspirimder quramasynyń Irandy 2:1 esebimen utqanyn jazǵan bolatynbyz.