Devıs kýbogynyń irikteý týrnıri: Qazaqstan jasóspirimder quramasy alǵashqy jeńisine qol jetkizdi
ASTANA. KAZINFORM — Shymkent qalasynda 16 jasqa deıingiler arasynda Devıs kýbogynyń Azııa – Tynyq muhıt aımaǵy boıynsha irikteý týrnıri ótip jatyr.
Jarystyń 5-raketkasy bolyp tirkelgen Qazaqstan jasóspirimder quramasy D tobyndaǵy alǵashqy kezdesýinde Túrkmenstandy 3:0 esebimen oısyrata utty.
Aldymen Ahmadı Maqanov Súleıman Hýdaıberdıevti tas-talqan etti – 6:0, 6:0.
Sodan keıin Ańsar Nıetqalıev Alı Geldyevten aılasyn asyrdy – 6:0, 7:5.
Juptyq synda A.Maqanov Rodıon Traıgelmen birge A.Geldyev – Kerimgeldi Kýldýrdyevti qapy qaldyrdy – 6:1, 6:2.
Qazaqstandyq jasóspirimder seısenbi kúni Pákstan quramasymen sheberlik baıqasady. Pákstandyqtar bastapqy matchynda týrnırdiń 2-raketkasy Ońtústik Koreıaǵa 0:3 esebimen ese jiberdi.
Qazaqstandyqtarǵa óz tobynan shyǵý úshin birinshi ne ekinshi oryn alsa, jetip jatyr.
Eske sala keteıik, budan buryn Anna Danılınanyń álemdik reıtıngide TOP-ke qaıta kirgenin jazǵan edik.
Sondaı-aq Aleksandr Býblık álemdik reıtıngide úzdik kórsetkishin qaıtalady.
Grıgorıı Lomakın Úndistandaǵy týrnırde ekinshi kezdesýin jeńispen túıindedi.
