Devıs kýboginde Qazaqstanmen oınaıtyn komandalardyń quramy anyqtaldy
NUR-SULTAN. QazAqparat – Davis Cup Finals jarysyn uıymdastyrýshylar Glazgo (Shotlandııa) qalasynda 13-18 qyrkúıekte D tobynda oınaıtyn komandalardyń quramyn jarııa etti, dep habarlaıdy QazAqparat tilshisi.
Qazaqstan tennıs federatsııasynan málim etkendeı, bul topta Ulybrıtanııa, Qazaqstan, Nıderlandy jáne AQSh quramalary synǵa túsedi.
Osy elderdiń namysyn myna oıynshylar qorǵaıdy:
Ulybrıtanııa: Kemeron Norrı, Danıel Evans, Endı Marreı, Djo Solsberı.
Qazaqstan: Aleksandr Býblık, Mıhaıl Kýkýshkın, Dmıtrıı Popko, Andreı Golýbev, Aleksandr Nedovesov.
Nıderland: Botık van de Zandshýlp, Tallon Grıkspor, Tım van Reıthoven, Veslı Kolhov, Matve Mıddelkop.
AQSh: Teılor Frıtts, Frensıs Tıafo, Tommı Pol, Djek Sok, Radjıv Ram.
Qazaqstan quramasy 13 qyrkúıekte Nıderland tennısshilerimen kezdesedi. Match elorda ýaqytymen saǵat 21:00-de bastalady. 15 qyrkúıekte AQSh-pen oınaıdy. Bastalýy – saǵat 21:00. 18 qyrkúıekte Ulybrıtanııamen kortqa saǵat 19:00-de shyǵady.
Devıs kýboginiń toptyq kezeńi alǵash ret tórt qalada ótedi. Ár toptan eki úzdik komanda shırek fınalǵa joldama alady.
Pleı-off básekeleri 23-27 qarashada Ispanııanyń Malaga qalasynda ótedi.
Eske sala keteıik, budan buryn ıÝlııa Pýtıntsevanyń Tsıntsınnatı týrnırinde utylyp qalǵanyn jazǵan bolatynbyz.
Foto: www.hufsd.edu
