Devıs kýbogy: Ońtústik Koreıamen oıynda Shevchenko Qazaqstandy esepte alǵa shyǵardy
ASTANA. KAZINFORM – Chhýnchhon qalasynda tennısten Devıs kýbogy aıasynda Qazaqstan men Ońtústik Koreıa arasyndaǵy pleı-off matchy bastaldy.
Kortqa álemniń 97-raketkasy Aleksandr Shevchenko men dúnıejúzilik reıtıngide 379-orynda turǵan Chon Hen shyqty.
Chon 2018 jyly Aýstralııa ashyq chempıonatynyń jartylaı fınalyna deıin jetip, reıtıngide 19-satyǵa kóterilgen. Bul kezdesýde Shevchenko 6:4, 6:3 esebimen jeńiske jetti.
Bir saǵat 37 mınýtqa sozylǵan básekede Shevchenko 4 eıspen birge 7 breık-poınttyń altaýyn paıdalandy. Koreıalyq sportshy 1 eıs, 4 breıkpen (8 breık-poınt) shekteldi. Osylaısha, Qazaqstan 1:0 esebimen alǵa shyqty.
Buǵan deıin qos qurama eki ret kezdesken. 2007 jyly Koreıa 5:0 esebimen jeńgen edi. Keıin 2010 jyly Qazaqstan Astanada dál sondaı eseppen qarymta qaıtarǵan.
Eske sala keteıik, budan buryn Qazaqstan men Ońtústik Koreıa arasyndaǵy kezdesýdi Aleksandr Shevchenko bastaıtynyn jazǵan edik.
