Devıs kýbogy: Qazaqstannyń Argentınaǵa qarsy oınaıtyn quramy anyqtaldy

Rosarıo qalasynda 3-4 aqpanda ótetin Devıs kýbogynyń Argentınamen irikteý matchyna qatysatyn Qazaqstan quramasy anyqtaldy, dep habarlaıdy Kazinform.

Qazaqstan tennıs federatsııasynyń baspasóz qyzmetinen málim etkenindeı, ıÝrıı Şýkın bastaǵan bapkerlik shtab óz tańdaýyn jasady.

Atap aıtqanda, álemniń 32-shi raketkasy Aleksandr Býblık, sondaı-aq Denıs Evseev (184), Beıbit Juqaev (187), Tımofeı Skatov (222) jáne juptyq synda dúnıejúzilik reıtıngte 45-shi orynda turǵan Aleksandr Nedovesov el namysyn qorǵaıdy. 

«Quramaǵa nátıjeleri men reıtıngtegi oryndaryna baılanysty ózderin tanyta bilgen sportshylar alyndy. Qarsylas týraly aıtsaq, olardyń quramy óte myqty. Jekeleı synda úsh argentınalyq sportshy álemdegi úzdik 50 tennısshiniń qataryna tur. Taǵy úsheýi juptyq synda TOP-20-ǵa kiredi. Olardyń bári topyraq tósenishinde jaqsy oınaıdy. Biz qıyn bolatynyn túsinemiz. Degenmen bar kúshimizdi salamyz. Buǵan deıin syrt alańda myqty komandalarǵa qarsy oınap, jeńgen bolatynbyz», - dedi ıÝ.Şýkın.

Devıs kýbogynyń irikteý matchtary tórt jekeleı jáne bir juptyq kezdesýden turady. 

Eske sala keteıik, budan buryn Elena Rybakınanyń Brısben týrnıriniń jartylaı fınalyna shyqqanyn jazǵan bolatynbyz. Sondaı-aq Jibek Qulambaeva Taılandtaǵy jarystyń fınalyna joldama aldy. Anna Danılına jańa jyldaǵy alǵashqy jarysynda fınalǵa shyqty.