Devıs kýbogi: Qazaqstandyq tennısshiler juptyq synda qazirgi chempıondardy utty
ASTANA. 6 sáýir. QazAqparat - Astanada Qazaqstan men Chehııa arasynda Devıs kýboginiń shırek fınaldyq kezdesýiniń ekinshi kúni aıaqtaldy.
Búgin juptyq saıysta elorda kortynda ıÝrıı Şýkın men Andreı Golýbev chehııalyq tennısshiler Radek Shtepanek pen ıAn Haıekke qarsy oınady.
Qazaqstandyqtar úsh sette - 7:6, 6:4, 6:3 esebimen qarsylastaryn tize búktirdi. Jasyratyny joq, Qazaqstan tennısten juptyq synda asa myqty emes. Al búgingi oıynda Şýkın men Golýbev qazirgi Devıs kýboginiń ıegerlerin aıqyn basymdyqpen utty. Bul oıyndy búgingi kúnniń sensatsııasy dese de bolady. Qazirgi ýaqytta jalpy esep 1:2, chehııalyqtardyń sál basymdylyǵy baıqalady.
Aıta keteıik, ATR reıtıngisinde Golýbev - 205-orynda tur, Şýkın - 463, Shtepanek - 45, Haıek - 94.
Erteń, matchtyq kezdesýdiń úshinshi qorytyndy kúninde Mıhaıl Kýkýshkın men Lýkash Rosol kezdesse, Andreı Golýbev ıAn Haıekpen raketka túıistiredi.
Eske salsaq, Devıs kýboginiń alǵashqy kúni otandyq sportshylar úshin sátsiz bastalǵan edi. 5 sáýirde Kýkýshkın óziniń qarsylasy - ıAn Haıekke 3:6, 2:6, 4:6 esebimen jol berse, Andreı Golýbev Lýkash Rosolǵa ese jiberip aldy.
Eger Qazaqstan quramasy jarystyń úshinshi kúni bolatyn eki kezdesýde de jaqsy óner kórsetip, jeńiske jetip jatsa, Devıs kýboginiń fınalynda Frantsııa nemese Argentına quramasymen jolyǵady.
