Devıs kýbogy: Qazaqstan jasóspirimder quramasy Irandy 2:1 esebimen utty

ASTANA. KAZINFORM — Shymkent qalasynda 16 jasqa deıingiler arasynda tennısten Devıs kýbogynyń Azııa — Tynyq muhıt aımaǵy boıynsha irikteý týrnırinde Qazaqstan jasóspirimder quramasy ekinshi matchyn sátti ótkizdi. 

D tobynda Sergeı Kvaktyń shákirtteri Iran quramasyn 2:1 esebimen jeńdi.

Aldymen Mıhaıl Mışenko Kııarashty kambekpen utty — 1:6, 6:4, 7:6 (7:2).

Budan keıin Mansur Saıynov Aırıkti qapy qaldyrdy — 6:4, 6:3.

Juptyq synda ǵana Mıhaıl Mışenko Ańsar Nıetqalıevpen birge Aırık — Samǵa ese jiberdi — 2:6, 4:6.

Erteń qazaqstandyqtar óz tobynda Qytaı quramasymen kezdesedi. Qytaılyqtar búgin Jańa Zelandııadan 3:0 esebimen basym tústi.

Eske sala keteıik, budan buryn Qazaqstan jasóspirimder quramasy Devıs kýbogynyń irikteý saıysyn sátti bastaǵanyn jazǵan edik.