Devıs kýbogy: Qazaqstan Ońtústik Koreıaǵa ese jiberdi

ASTANA. KAZINFORM – Chhýnchhon qalasynda tennısten Devıs kýbogynyń pleı-off matchynda Qazaqstan Ońtústik Koreıadan jeńilip qaldy.

Qazaqstannyń birinshi, álemniń 19-raketkasy Aleksandr Býblık jaraqat alǵannan keıin match barysynda quramǵa ózgerister engizýge týra keldi.

Juptyq synda Aleksandr Shevchenko — Tımofeı Skatov ońtústikkoreıalyqtar Pak Ýı Sýn — Nam Chjı Sýnǵa ese jiberdi — 2:6, 3:6.

Sodan keıin álemniń 220-raketkasy Dmıtrıı Popko dúnıejúzilik reıtıngide 379-orynda turǵan Chon Henmen kortqa shyqty. 

Birinshi partııa jergilikti tennısshiniń paıdasyna sheshildi — 6:3.

Ekinshi sette Popko 5:1 esebimen alǵa ketti. Alaıda sol basymdylyǵyn paıdalana almaı, qatarynan bes geımdi berip qoıdy — 5:7.

Osylaısha, ońtústikkoreıalyq komanda esepti 3:1-ge jetkizip, qazaqstandyqtardy qapy qaldyrdy.

Eske sala keteıik, budan buryn Devıs kýbogynda Ońtústik Koreıamen oıynda Shevchenkonyń Qazaqstandy alǵa shyǵarǵanyn jazǵan edik. 

Sondaı-aq Jibek Qulambaeva Qytaıdyń týrnırdiń jartylaı fınalyna joldama aldy.