Devıs kýbogy: Qazaqstan – Ońtústik Koreıa matchynda Aleksandr Býblık jaraqat aldy

ASTANA. KAZINFORM – Chhýnchhon qalasynda tennısten Devıs kýbogynyń pleı-off matchynda Qazaqstan men Ońtústik Koreıa matchy ótip jatyr.

Juma kúni Qazaqstannyń birinshi, álemniń 19-raketkasy Aleksandr Býblık pen dúnıejúzilik reıtıngide 478-orynda turǵan Kvon Sý Von arasyndaǵy báseke jańbyrǵa baılanysty keıinge qaldyryldy. 

Ońtústikkoreıalyq sportshy 2021 jyly Astana Open ATR 250 jarysynda úzdik shyqqan, sondyqtan ol ońaı shaǵylatyn jańǵaq emes-ti.

Birinshi partııada taı-breıkte Kvon Sý Von sátti óner kórsetti — 7:6 (8:6). Ol ekinshi sette 3:0 esebimen alǵa ketti. 

Qazaqstan tennıs federatsııasynan málim etkenindeı, Býblık kezdesýdiń basynda jambasynan jaraqat aldy. Aýrýdy basatyn dári-dármekke, medıtsına qyzmetkerleriniń kúsh salǵanyna qaramastan, A.Býblık qalpyna kele almady. Sóıtip ol matchty jalǵastyrýdan bas tartýǵa májbúr boldy.

Osylaısha, bapkerlik shtab federatsııa basshylyǵymen birge qalǵan básekelerde quramǵa ózgerister engizdi.

Ázirshe Qazaqstan — Ońtústik Koreıa matchynda esep teń — 1:1.

Eske sala keteıik, budan buryn Devıs kýbogynda Ońtústik Koreıamen oıynda Shevchenkonyń Qazaqstandy alǵa shyǵarǵanyn jazǵan edik. 

Sondaı-aq Jibek Qulambaeva Qytaıdyń týrnırdiń jartylaı fınalyna joldama aldy.