Devıs kýbogy: Qazaqstan men Monako matchynda tarazy basy teńesti

ASTANA. KAZINFORM – Astana qalasynda Beeline Arena ulttyq tennıs ortalyǵynda Devıs kýbogy Birinshi álemdik toby aıasynda Qazaqstan men Monako arasynda pleı-off matchy ótip jatyr.

Kortqa ekinshi bolyp reıtıngide 87-oryndaǵy Aleksandr Shevchenko men álemniń 27-raketkasy, Monako komandasynyń kóshbasshysy Valanten Vashro shyqty. 

Birinshi partııa monakolyq tennısshiniń aıqyn basymdylyǵymen ótti - 6:0.

Ekinshi sette Shevchenko 3:1 esebimen alǵa shyqqanymen, sol qarqynyn jalǵastyra almady. Esesine Vashro qatarynan bes geım aldy - 6:3.

Osylaısha, qos komanda arasyndaǵy esep teńesti - 1:1.

Qazaqstan men Monako arasyndaǵy match senbi kúni jalǵasady. Bul kúnge úsh báseke josparlanǵan.

Eske sala keteıik, budan buryn jas tennısshi Ámir Omarhanovtyń Týnıstegi týrnırdiń shırek fınalyna shyqqanyn jazǵan edik.

Sondaı-aq Aleksandr Býblık tusaýyn kesken balaqaı tennıs dobyn tańdady.