Devıs kýbogy: Qazaqstan men Monako quramynda kimder oınaıdy
ASTANA. KAZINFORM – Astana qalasynda 6-7 aqpanda Qazaqstan men Monako arasynda Devıs kýbogy Birinshi álemdik tobynyń pleı-off matchy ótedi.
Bul básekeniń erekshe mańyzy bar. Jeńimpaz komanda álemdik elıtadaǵy ornyn saqtap, bıyl kúzde 2027 jylǵy fınaldyń irikteý týryna qatysýǵa múmkindik alady.
Oıyndar «Beeline Arena» ulttyq tennıs ortalyǵynyń jabyq korttarynda bolady. Match tórt jekeleı jáne bir juptyq kezdesýden turady.
Qos komandanyń týrnır tarıhynda alǵash ret joldary túıiskeli tur. Qazaqstan namysyn álemniń 10-raketkasy Aleksandr Býblık, sonymen qatar Aleksandr Shevchenko, Beıbit Juqaev, Tımofeı Skatov jáne Denıs Evseev qorǵaıdy.
Monako quramynda álemniń 27-raketkasy Valanten Vashero bar. Sondaı-aq Leonardo Lıýbıchıch, Romen Arneodo, Benjamen Ballere, ıÝgo Nısti ataýǵa bolady.
Qazirgi kezde komandalar jattyǵýyn pysyqtap jatyr.
Eske sala keteıik, budan buryn Zańǵar Nurlanulynyń álemdik reıtıngide TOP-10-ǵa kirgenin jazǵan edik.