Devıs Kýbogi: Qazaqstan men Aýstrııanyń jeńiske degen múmkindigi birdeı
ASTANA. 30 qańtar. QazAqparat - Astanaǵa Devıs Kýbogine qatysý úshin Aýstrııa quramasy ushyp keldi. 1-3 aqpan aralyǵanda qazaqstandyq tennısshiler tuńǵysh ret álemdik toptyń 1/8 fınalyna shyǵyp, aýstrııalyqtarmen kúsh synasady.
Qazaqstan quramasynyń kapıtany Dıas Dosqaraev búgin Astanada ótken baspasóz máslıhatynda eki jaqtyń da myqty ekenin, soǵan baılanysty tartysty oıyn bolatynyn atap ótti. Aıta ketý kerek, Kýbok reıtıngisinde aýstrııalyqtar qazaqstandyq sportshylardan keıingi tuǵyrǵa taban tiregen. ıAǵnı qazaqstandyqtar segizinshi orynda, al aýstrııalyqtar toǵyzynshy satyda. Degenmen, Aýstrııa quramasy bul jarystarǵa 78 jyl boıy qatysyp kele jatyr, onyń ishinde 17 jyldan beri álemdik topta óner kórsetedi. Búgin Astanaǵa Olıver Marak, Aleksandr Peııa, Andreas Haıder-Maýrer jáne ıÝrgen Meltser ushyp keldi.
Aýstrııanyń birinshi raketkasy jáne ATR reıtıngisi boıynsha 30-ynshy oryndaǵy ıÝrgen Meltser elimizdiń qonaqjaılyǵyna alǵysyn bildirip, komandalastarynyń jarysqa saqadaı saı ekendigin jetkizdi. «Oıyn barysynda eshqandaı kútpegen jaǵdaılar bola qoımas dep oılaımyn. Óıtkeni sizderdiń oıynshylaryńyzdy burynnan bilemiz, olarmen birge kóptegen jarystarǵa qatystyq», - dedi ol.
Al Qazaqstannyń birinshi raketkasy Mıhaıl Kýkýshkın byltyr kúzde aýyr jaraqat alyp, ota jasalǵanyna qaramastan, Kýbokqa qatysatyn boldy. Onyń aıtýynsha, ol sońǵy úsh aı boıy osy jarysqa arnaıy jattyqqan. «Biz óz úıimizde oınaımyz. Sondyqtan komandamyz jeńiske tolyq daıyn dep oılaımyn», - dedi M. Kýkýshkın.
Qazaqstannyń namysyn Mıhaıl Kýkýshkınnen basqa ıÝrıı Şýkın, Andreı Golýbev, Evgenıı Korolev syndy sportshylar qorǵaıtyn bolady. Dıas Dosqaraevtyń aıtýynsha, qos komandanyń da jeńiske degen múmkinshiligi birdeı. Degenmen mundaı jarystarda aldyn ala bal ashýdyń orynsyz ekenin de jasyrmady.
«Bul kezdesý óte salmaqty bolady. Sondyqtan da biz oǵan barymyzdy salyp daıyndalýdamyz. Sportshylar bir-birin biledi, qalaı oınaıtyndaryn da jaqsy biledi. Aýstrııa komandasy qaýipti qarsylas, degenmen sońǵy úsh jyl boıy biz olardyń aldyn orap kelemiz. Soǵan oraı álemdik topta ózindik tájirıbemiz qalyptasty. Sonymen qatar, bizdiń óz alańymyzda oınaıtynymyz, jankúıerlerimiz qoldaý kórsetetini taǵy bar. Biraq men múmkinshilik birdeı dep oılaımyn. Jarystyń árbir kúni mańyzdy bolmaq. Barlyǵyn oıyn barysy kórsetedi», - dedi D. Dosqaraev.
Týrnır Ulttyq tennıs ortalyǵynda ótedi. Erteń túski saǵat 12-de jerebe tartý bolady.
Esterińizge sala keteıik, byltyrǵy qyrkúıek aıynda Astanada ótken jarysta Qazaqstan quramasy ózbekstandyqtardy 3:1 esebimen jeńip, álemdik topqa ótken bolatyn. Bul jeńis Qazaqstan quramasyn Devıs Kýboginiń reıtıngisinde tuńǵysh ret segizinshi orynǵa alyp shyqty.
