Devıs kýbogy: Qazaqstan quramasy Taılandqa qarsy matchta esepte alǵa shyqty
ASTANA. KAZINFORM — Astanada Devıs kýbogynyń ekinshi álemdik toby aıasynda Qazaqstan men Taıland quramalary arasyndaǵy kezdesý bastaldy.
Aleksandr Shevchenko Qazaqstandy esepte alǵa shyǵardy. Ol Maksımýs Djonspen oınady. Qazaqstandyq tennısshi birinshi partııada basym túsip, ekinshisinde jeńilip qalǵanymen, sheshýshi sette jeńiske jetti – 6:4, 1:6, 7:5.
Ekinshi kezdesýde Tımofeı Skatov Kasıdıt Samreımen kúsh synasty. Qazaqstandyq tennısshi eki sette de jeńiske jetip, matchty 6:4, 7:6 (7:4) esebimen aıaqtady.
Osylaısha, birinshi oıyn kúniniń qorytyndysy boıynsha Qazaqstan jalpy esepte 2:0 esebimen alda keledi.
19 qyrkúıekte kezdesý juptyq matchpen jalǵasady. Odan keıin taǵy eki jekeleı oıyn ótedi.
Aıta ketelik Elena Rybakına Qazaqstan quramasyna qatysty mańyzdy málimdeme jasaǵan edi.
