Devıs kýbogi: Qazaqstan – Chılı matchynyń jerebesi tartyldy

ASTANA. QazAqparat – La Serena qalasynda Devıs kýbogi aıasynda ótetin Chılı – Qazaqstan irikteý matchynyń jerebesi tartyldy, dep habarlaıdy QazAqparat tilshisi.

Qazaqstan tennıs federatsııasynan málim etkenindeı, 4 aqpan, alǵashqy kúni birinshi bolyp kortqa Tımofeı Skatov pen Krıstıan Garrı shyǵady.

Báseke Astana ýaqytymen saǵat 21.00-de bastalady. Sodan keıin Aleksandr Býblık pen Nıkolas Harrıge kezek keledi.

Kelesi, 5 aqpan kúni saǵat 22.00-den bastap úsh kezdesý josparlanǵan. Aldymen Aleksandr Nedovesov pen Andreı Golýbev juptyq synda Alehandro Tabılo – Tomas Barıoshpen sheberlik baıqasady. Sosyn Býblık Garınmen, Skatov Harrımen oınaıdy.

Jeńimpaz komanda Devıs kýboginiń fınaldyq kezeńine joldama alady.

Eske sala keteıik, budan buryn Qazaqstan quramasynyń Devıs kýbogi irikteý matchyna daıyndyqty bastaǵanyn jazǵan bolatynbyz.

Sondaı-aq Tımofeı Skatovtyń Qazaqstan quramasy sapynda ózin kórsetetin ýaqyt kelgeni týraly aıtty.

Sýretter – Qazaqstan tennıs federatsııasy