Devıs kýbogi: Qazaqstan Chılı quramasynan jeńilip qaldy

ASTANA. QazAqparat – La-Serena qalasynda Devıs kýboginiń irikteý matchynda Qazaqstan Chılı quramasynan jeńilip qaldy, dep habarlaıdy QazAqparat tilshisi.

Qazaqstandyqtar juptyq synda jeńilip qalǵannan keıin kortqa Aleksandr Býblık pen Krıstıan Garın shyqty.

Osy oıynda utsa ǵana Qazaqstan quramasy joldama úshin talasty jalǵastyratyn edi.

Birinshi partııada K.Garın 4:1 esebimen alǵa ketti. A.Býblık esepti qysqartqanymen, odan árige shamasy jetpedi – 4:6.

Ekinshi sette esep 3:2 bolǵan mezette qazaqstandyq tennısshi breık jasaı bildi. Sosyn múmkindigin jibergen joq – 6:3.

Úshinshi, sheshýshi sette chılılik sportshy breıkpen alǵa ketti – 3:1. Aqyry ol básekeni jeńispen túıindedi – 6:3.

Osylaısha, Qazaqstan quramasy Chılıge 1:3 esebimen jol berip, Devıs kýboginiń fınaldyq kezeńine shyǵa almaı qaldy.

Eske sala keteıik, budan buryn Devıs kýboginde Tımofeı Skatovtyń Qazaqstan quramasy sapynda alǵashqy jeńisine qol jetkizgenin jazǵan bolatynbyz.

Sondaı-aq Qazaqstan – Chılı matchynda tarazy basy teńesti.

15 jasar qazaqstandyq tennısshi alǵash ret ITF Juniors týrnıriniń chempıony atandy.

ıÝlııa Pýtıntseva Ábý-Dabı týrnıriniń irikteý saıysyn jeńispen bastady.

Qazaqstanmen matchta Chılı quramasy alǵa shyqty.