Devıs kýbogi: Qazaqstan - Bolgarııa matchynda esep qysqardy

Sofııa qalasynda Devıs kýboginiń pleı-off matchynda Qazaqstan men Bolgarııa komandalary sheberlik baıqasyp jatyr, dep habarlaıdy QazAqparat tilshisi.

Ekinshi kúni juptyq synda kort ıelerinen Aleksandr Donskı - Aleksandr Lazarov, Qazaqstannan Aleksandr Býblık pen Aleksandr Nedovesov shyqty.

Qazaqstandyqtar bul básekeniń favorıti sanalǵanymen, sátti oınaı almady. Osylaısha, 3:6, 3:6 esebimen qarsylastaryna jol berdi.

Qazaqstan - Bolgarııa matchynda esep qysqardy – 2:1.

Endi jeńimpaz máselesi qalǵan eki kezdesýde sheshiledi. Aleksandr Býblık Dımıtar Kýzmanovpen, Tımofeı Skatov ıAnakı Mılevpen synǵa túsedi. Qazaqstandyqtarǵa bir jeńis bolsa, jetkilikti.

Eske sala keteıik, budan buryn Devıs kýboginde Aleksandr Býblıktiń esepti 2:0-ge jetkizgenin jazǵan bolatynbyz.

Sondaı-aq, Arýjan Saǵyndyqova Týnıstegi jarystyń fınalyna shyqty.

Jibek Qulambaeva Soltústik Makedonııadaǵy týrnırdiń chempıony atandy.