Devıd Kemeronnyń ornyna kimniń premer-mınıstr bolatyny anyqtaldy
ASTANA. QazAqparat - Ulybrıtanııa premer-mınıstri Devıd Kemeron osyǵan deıin kúzde otstavkaǵa ketetin bolǵan edi. Biraq, ol taıaýda ǵana málimdeme jasap, 13 shilde kúni kreslosyn bosatatynyn aıtty, dep habarlaıdy BBC-ge siltememen 24.kz.
Kemeronnyń málimdeýinshe, onyń ornyn qazirgi ishki ister mınıstri Tereza Meı basyp, brıtan úkimetin áıel adam basqaratyn bolady.
«Bul óte kúshti jáne el basqarýǵa laıyqty áıel. Brıtanııaǵa osyndaı adam kerek. Sol sebepti men ony qoldaımyn», - dedi Kemeron.
Esterińizge sala ketsek, osyǵan deıin premer-mınıstr laýazymy úshin Meımen talasqan Ulybrıtanııa energetıka mınıstriniń orynbasary Andrea Lıdsom bul qyzmet úshin ári qaraı kúrespeıtinin aıtty. Sóıtip, endi Tereza Meı premerlikke umtylǵan jalǵyz úmitker bolyp qaldy.
