Devıd Kemeron ǵumyrnama jazý úshin jyljymaly saraı satyp aldy
ASTANA. QazAqparat - Ulybrıtanııanyń burynǵy premer-mınıstri Devıd Kemeron ǵumyrnama jazýmen shuǵyldaný úshin 25 myń fýntqa jyljymaly saraı satyp aldy.
Saıasatker bul saraıdy óz úıiniń aýlasyna qoıdy. Qoldan jasalǵan konstrýktsııanyń ishine aǵash pesh jáne dıvan qoıylǵan.Sondaı-aq qabyrǵaǵa qoı júninen jasalǵan jylytqysh paıdalanylǵan. Kemeronnyń aıtýynsha, saraıdy dızaınerlik bezendirýmen jubaıy Samanta aınalysqan, dep habarlaıdy BBC News.
Kemerondar otbasynda bul qurylysty paıdalanýǵa baılanysty talas-tartys az bolmaǵanǵa uqsaıdy. Burynǵy premer saraıda ómirbaıan jazýdy kózdese, saıasatkerdiń balalary qurylysty oıyn úıshigine aınaldyrý qajet dep esepteıdi.
