Devıd Kemeron EO-daǵy kóshi-qon erkindigin shekteýge shaqyrdy
ASTANA. 28 qarasha. QazAqparat - Brıtandyq premer-mınıstr Devıd Kemeron Eýropalyq odaq elderi ishinde erkin qozǵalysqa shekteý engizýdi usynyp otyr. Bul týraly VVS habarlady.
Financial Times basylymyndaǵy maqalada Kemeron EO aýmaǵyndaǵy erkin júris-turys ustanymy eýropalyq elderdiń halqyn jappaı kóshi-qonǵa ıtermelegenin jáne bul turǵyda jańa kelisim boıynsha kelissózderdiń ýaqyty jetkenin alǵa tartýda. Onyń sózinshe, adamdardyń senimin qaıtarý úshin EO-ǵa ózgerister qajet. Osy oraıda premer-mınıstr 2014 jyldyń qańtarynan shekteýler joıylǵannan keıin Rýmynııa men Bolgarııadan aǵylýy múmkin azamattarǵa baılanysty brıtandyqtardyń alańdaýshylyǵyn atap ótti. Sonymen qatar ol Brıtanııa sheteldik mıgranttardyń járdemaqylar men jeńildikterdi alýdaǵy quqyǵyn shekteıtinin málimdedi. Bul turǵyda ashyq aspan astynda kúneltkender nemese qaıyrshylyqpen aınalysyp júrgender el aýmaǵynan shettetiletin bolady eken.
