Devıd Kemeron Astana áýejaıynda bolyp qaıtty
ASTANA. QazAqparat - 27 mamyrdyń túninde Anglııa premeri Devıd Kemeron Astana áýejaıynda bolyp qaıtty. Onyń elordadaǵy áýejaıda bolǵan sátindegi sýretter áleýmettik jelilerge jarııalanǵan. Máselen, saıasattanýshy Erlan Qarın óziniń Feısbýktegi paraqshasynda osyny jazǵan.
«Ótken túnde Brıtan premeri Astanada boldy. Rasymen, tek ol 60 mınýt qana boldy. Tokıodan Londonǵa bara jatqan jolynda toqtaǵan» dep jazǵan E. Qarın fotosýretterin qosa bergen eken.Aıta keterligi, Kemeron Astanada 27 mamyrdyń túninde aıaldaǵan eken. Ol bir saǵatqa jýyq ýaqytyn áýejaıda ótkizgen. Ulybrıtanııa Úkimetbasynyń ushaǵy Astanaǵa Tokıodan Londonǵa qaıtyp bara jatqan jolynda toqtaǵan bolyp otyr. 
