Devıd Hoknıdiń «Sýretshi portreti» rekordtyq soma - $90,3 mıllıonǵa satyldy
ASTANA. QazAqparat - Aǵylshyn sýretshisi, grafık jáne fotograf Devıd Hoknıdiń «Sýretshi portreti» kartınasy beısenbi kúni Nıý-Iorkte Christie's aýktsıon úıi uıymdastyrǵan saýdada $90,3 mln qarjyǵa satyldy.
Aýktsıon úıiniń Twitter-de habarlaýynsha, bul qazirgi sýretshiler arasyndaǵy jumystar úshin rekordtyq baǵa.
Budan burynǵy rekord osy aýktsıon úıinde 2013 jyly uıymdastyrylǵan sharada ornatylǵan. Ol kezde amerıkalyq Djeff Kýnstyń «Sharlardan jasalǵan ıt» týyndysy $58,4 mıllıonǵa satylǵan edi. Hoknı kartınasynyń baǵalaý quny $80 mln quraıdy.
«Sýretshi portreti» 1972 jyly Nıý-Iorkte kórme úshin salynǵan.
