Devıd Boýıdiń alǵashqy úntaspasy aýktsıonda £40 myńǵa satyldy
ASTANA. QazAqparat - Brıtandyq mýzykant Devıd Boýıdiń (1947-2016) I Never Dreamed atty alǵashqy úntaspalarynyń biri seısenbi kúni Ulybrıtanııadaǵy aýktsıonda £39,4 myń ($51 myń) qarjyǵa satyldy. Bul týraly The Guardian gazeti jazdy, dep habarlaıdy QazAqparat.
Magnıtti úntaspany Boýıdiń alǵashqy toby - The Konrads barabanshysy jáne menedjeri bolǵan Devıd Hedfıld 2018 jyldyń shildesinde úıinen kóship jatqan kezde taýyp alǵan. Onda áli tanylyp úlgermegen 16 jastaǵy Devıd Djons (Boýı) I Never Dreamed ánin shyrqaǵan.
Rok-mýzykant jáne akter Devıd Boýı 2016 jyldyń 10 qańtarynda qaterli isikten kóz jumdy. Sol jyly qarashada Sotheby's aýktsıon úıi mýzykant týyndylarynyń jeke kollektsııasyn satylymǵa qoıyp, eki kúnniń ishinde £33 mln ($43 mln) jınady.
