Devıd Bekhem fýtbol klýbyn qurýdy josparlaýda
ASTANA. QazAqparat - Anglııa quramasynyń burynǵy fýtbolshysy Devıd Bekhem AQSh-ta fýtbol klýbyn quratynyn málim etti, dep habarlaıdy Bı-Bı-Sı.
Bekhem ótken aptada Maıamı merimen kezdesip, jańa klýbtyń stadıonyn salý máselesin talqylady. Aǵylshyn fýtbolshysynyń ázirge ataýy joq klýby 2017 jyly Amerıkanyń basty sokker lıgasynda (MLS) oınaıtyn bolady. «Men ózim úshin jeke komandany qurǵym keledi. Bul qala fýtbolǵa daıyn jáne biz úlken jetistikterge qol jetkizetinimizge senemin. Biz mıllıondaǵan halyqtyń kózaıymyna aınalatyn fýtbol klýbyn qurýdamyz», - dedi ol. Onyń sózine qaraǵanda, munda álemdik ataqqa ıe fýtbolshylar oınaıtyn bolady. Sonymen qatar munda legıonerlerdi ǵana emes, óz fýtbolshylaryn jattyqtyratyn akademııa qurylmaq. Aıta keteıik, D.Bekhem 2007-2012 jyldar aralyǵynda MLS chempıonatynda oınady. «Los-Andjeles Gelaksı» sapynda ol eki jyl qatarynan MLS kýbogyn jeńip aldy. Odan bólek «Manchester ıÝnaıted», «Real Madrıd», «Mılan» men «Parı Sen-Jermen» klýbtarynda óner kórsetti.
